மாணவ, மாணவியரின் வாசிப்பு திறனை மேம்படுத்தவும், பொது அறிவு செய்திகள், நாட்டு நடப்புகள், அறிவியல் கண்டுபிடிப்புகள், விஞ்ஞான வளர்ச்சி, தற்போதைய தொழில்நுட்ப அபிவிருத்திகள் உள்ளிட்ட அறிவியல் தகவல்களை மாணவர்களுக்கு எளிதில் புரியும் வகையில் 'தினமலர் மாணவர் பதிப்பு பட்டம்' இதழ் திங்கள் முதல் வெள்ளி வரை வெளியாகிறது.

முத்தியால்பேட்டை காமராஜ் அரசு ஆண்கள் மேல்நிலைப் பள்ளியில் தினமலர் மாணவர் பதிப்பு பட்டம் இதழ் வழங்கும் விழா நேற்று நடந்தது. ராஜ சந்துரு அறக்கட்டளை சார்பில், நிறுவனர் ராஜ சந்துரு தலைமை தாங்கி, தனது சொந்த செலவில், இந்த கல்வியாண்டு முழுதும் மாணவர்களுக்கு பட்டம் இதழ் வழங்கும் நிகழ்ச்சியை துவக்கி வைத்தார்.

நிகழ்ச்சியில், பள்ளியின் தலைமை ஆசிரியர், ஆசிரியர்கள், மாணவர்கள் உட்பட கலந்து கொண்டனர்.