பெரியகாலாப்பட்டில் பாலமுருகன் சுவாமி கோவில் அமைந்துள்ளது. இக்கோவிலில், 53ம் ஆண்டு பங்குனி உத்திர பெருவிழா கடந்த 3ம் தேதி துவங்கி நடந்து வருகிறது. முக்கிய நிகழ்வாக, நாளை (11ம் தேதி) பங்குனி உத்திரத்தை முன்னிட்டு, காலை 8:00 மணிக்கு செடல் உற்சவம், பகல் 12:00 மணிக்கு சாகை வார்த்தல், மாலை 4:00 மணிக்கு தேர் உற்சவம் நடக்கிறது.

நாளை மறுதினம் 12ம் தேதி இரவு தெப்ப உற்சவம், 13ம் தேதி இரவு 7:00 மணிக்கு ஊஞ்சல் உற்சவம் நடக்கிறது.

இதையொட்டி, விழாவில் பங்கேற்குமாறு கவர்னர் கைலாஷ்நாதனுக்கு, காலாப்பட்டு தொகுதி எம்.எல்.ஏ., கல்யாணசுந்தரம் தலைமையில், ஆலய நிர்வாகிகள், பஞ்சாயத்தாரர்கள் அழைப்பிதழ் வழங்கி, அழைப்பு விடுத்தனர்.