சென்னை, தாம்பரத்தை சேர்ந்தவர் ஜெனிபர், 26; தனியார் வங்கி ஊழியர். இவர் தனது உறவினர்களுடன் புதுச்சேரிக்கு கடந்த 14ம் தேதி சுற்றுலா வந்தார். 15ம் தேதி மாலை 6:15 மணியளவில் புஸ்ஸி வீதியில் உள்ள தனியார் விடுதி எதிரே போட்டோ எடுப்பதற்காக தனது கைப்பையை அருகில் உள்ள பெஞ்சில் வைத்துவிட்டு, போட்டோ எடுத்தார்.

அப்போது அவரது கைப்பை மாயமாகியது. அதில் மொபைல் போன், 7 ஆயிரம் ரொக்கம் இருந்தது. இதுகுறித்த புகாரின்பேரில் பெரியகடை போலீசார் வழக்குப் பதிந்து கைப்பையை திருடிய மர்ம நபரை தேடி வருகின்றனர்.