புதுச்சேரி துத்திப்பட்டில் உள்ள சி.ஏ.பி., சீகெம் மைதானத்தில் இந்தியா ஏ – ஆஸ்திரேலியா ஏ அணிகளுக்கான 4 நாட்கள் மல்டி டே டெஸ்ட் போட்டி கடந்த 22ம் தேதி துவங்கியது. இப்போட்டியின் முதல் இன்னிங்சில் இந்தியா அணி 334 ரன்கள், தொடர்ந்து களமிறங்கிய ஆஸ்திரேலியா ஏ அணி முதல் இன்னிங்சில் 171 ரன்களுக்கு அனைத்து விக்கெட்டுகளையும் இழந்தது.

இதன் மூலம் 163 ரன்கள் முன்னிலையுடன் நேற்று 2வது இன்னிங்சை துவங்கிய  இந்தியா ஏ  அணி 199 ரன்களுக்கு அல்–அவுட் ஆனது. இதில், அதிகபட்சமாக கேப்டன் தேவ்தத் படிக்கல் 59 ரன்கள், முதல் இன்னிங்சில் சதம் அடித்த குமார் குஷாக்ரா 46 ரன்கள் எடுத்தனர். 

இதன் மூலம் 363 ரன்கள் எடுத்தால் வெற்றி என்ற இலக்குடன் களம் இறங்கிய ஆஸ்திரேலியா ஏ அணி 3வது நாள் ஆட்டநேர முடிவில் 2 விக்கெட் இழந்து 55 ரன்கள் எடுத்திருந்தது. இன்று 4ம் நாள் (கடைசி நாள்) ஆட்டம் நடக்கிறது. 

ஸ்கோர்: இந்தியா ஏ 334 மற்றும் 57.4 ஓவர்களில் 199 ஆல் அவுட் (சாய் சுதர்சன் 39, தேவ்தத் படிக்கல் 59, குமார் குஷாக்ரா 46 ஆட்டமிழக்காமல், பிரெண்டன் டோகெட் 2/21, டாட் மர்ஃபி 4/48, லியம் ஸ்காட் 2/22) 

ஆஸ்திரேலியா ஏ 171 மற்றும் 23 ஓவர்களில் 55/2.