விழுப்புரம் மாவட்டம், வி.மாத்துார் கிராமத்தில், பிரசித்தி பெற்ற எல்லம்மாள் கோவில், பூரணி பொற்கலை சமேத வேள்வி வீர அய்யனாரப்பன் சுவாமி கோவில் உள்ளது. இக்கோவில், கும்பாபிஷேக விழா வரும் 14ம் தேதி நடக்கிறது.

இதனையொட்டி, நாளை (13ம் தேதி) மாலை 4:00 மணிக்கு விக்னேஷ்வர பூஜை, கணபதி ஹோமம், புதிய சிலை கரிக்கோலம் நடக்கிறது. மாலை 5:00 மணிக்கு வாஸ்து சாந்தி பிரவேச பலி, அங்குராப்பணம், முதல் கால யாக பூஜை நடக்கிறது.

14ம் தேதி காலை 7:00 மணிக்கு கோ பூஜை, பிம்பசாந்தி, 9:30 மணிக்கு யாத்ராதானம் நடக்கிறது. 10:00 மணிக்கு வேள்வி வீர அய்யனாரப்பன் கோவில் கும்பாபிேஷகம், 10:20 மணிக்கு எல்லம்மாள் கோவில் மற்றும் பரிவார மூர்த்திகளுக்கு கும்பாபிஷேகம் நடக்கிறது. விழா ஏற்பாடுகளை, கோவில் குலதெய்வ வழிபாட்டினர், மற்றும் கிராம மக்கள் செய்துள்ளனர்.