லாஸ்பேட்டை தாகூர் அரசு கல்லுாரி விளையாட்டு மைதானம் அருகே தடைசெய்யப்பட்ட லாட் டரி சீட்டு விற்பதாக போலீசாருக்கு தகவல் வந்தது.

அதன்பேரில், லாஸ்பேட்டை போலீசார் அங்கு விரைந்து சென்றனர்.

அப்பகுதியில் நின்றிருந்த வாலிபர் தனது மொபைல் போனை வைத்து, ஆன்லைன் மூலம் 3 நம்பர் லாட்டரி சீட் விற்றதை போலீசார் கண்டுபிடித்தனர்.

அவரை பிடித்து விசாரித்ததில், சின்னகோட்டக்குப்பம் சத்யா நகரை சேர்ந்த ரவி, 33; என, தெரியவந்தது.

அவரை கைது செய்த போலீசார், அவரிடமிருந்து லாட்டரி சீட்டுகள், மொபைல் போன், ரூ. 10 ஆயிரம் ரொக்கம் ஆகியவற்றை பறிமுதல் செய்தனர்.