லாஸ்பேட்டை இ.சி.ஆரில் நேற்று முன்தினம் இரவு வாலிபர் ஒருவர் கத்தியை காட்டி அவ்வழியாக செல்லும் பொதுமக்களை மிரட்டி வருவதாக லாஸ்பேட்டை போலீசாருக்கு தகவல் வந்தது. அதையடுத்து, போலீசார் அங்கு விரைந்து சென்று, அந்த வாலிபரை பிடித்து விசாரித்தனர். 

அவர், லாஸ்பேட்டை பகுதியை சேர்ந்த சுனில், 21, என்பது தெரியவந்தது. அவர் மீது போலீசார் வழக்குப் பதிந்து அவரை கைது செய்து, கத்தியை போலீசார் பறிமுதல் செய்தனர்.