இது குறித்து அப்பகுதி மக்கள், மோகன்தாஸ் எம்.எல்.ஏ.,விடம் அளித்துள்ள மனு;

ஏம்பலம் தொகுதி கோர்க்காடு வெங்கட்டா நகரில் ஏராளமான குடும்பங்கள், கடந்த 15 ஆண்டுகளுக்கும் மேலாக வசித்து வருகிறோம். எங்கள் நகரில், குடிநீர் குழாய் இணைப்பு, கழிவு நீர் வாய்க்கால், சாலை போன்ற அடிப்படை வசதிகள் எதுவும் செய்யப்படாமல் உள்ளது.

மழைக் காலங்களில் சேரும் சகதியுமான பாதையில் சென்று வர வேண்டிய நிலை இருந்து வருகிறது. இதனால், இங்கு வசிக்கும் பொதுமக்கள், மாணவர்கள், முதியோர்கள், கடும் சிரமத்திற்கு ஆளாகி வருகின்றனர். ஆகையால், எங்கள் நகர் பகுதியில் குடிநீர், கழிவு நீர் வாய்க்கால், சாலை உள்ளிட்ட அடிப்படை வசதிகளை செய்து கொடுக்க தாங்கள் உரிய நடவடிக்கை எடுக்க வேண்டும். இவ்வாறு கூறப்பட்டுள்ளது.