UPDATED : அக் 08, 2026 07:48 PM
ADDED : அக் 08, 2026 05:56 PM

புதுச்சேரி: புதுச்சேரி மகளிர் மற்றும் குழந்தைகள் துறையின் ஒருங்கிணைந்த குழந்தைகள் மேம்பாட்டுத் திட்டம்-4 சார்பில் 9வது தேசிய ஊட்டச்சத்து விழிப்புணர்வு உணவு திருவிழா நேற்று நடந்தது.
முத்தியால்பேட்டை, மஞ்சினி நகர் வரதவல்லி மாரியம்மன் கோவிலில் நடந்த விழாவிற்கு அங்கன்வாடி ஊழியர் லலிதா வரவேற்றார். திட்ட அதிகாரி நிர்மலா தேவி தலைமை தாங்கினார். ஊர் முக்கிய பிரமுகர்கள் தட்சணாமூர்த்தி, தாமரைச்செல்வன் முன்னிலை வகித்தனர்.
விழாவில், ஜிப்மர் மருத்துவனையை சேர்ந்த டாக்டர் ஜூனைதாபேகம் பங்கேற்று சமச்சீர் உணவுப் பழக்கம், சத்தான உணவுத் தேர்வு, நோய்களைத் தடுக்கும் உணவு முறைகள், நோய் எதிர்ப்புச் சக்தியை அதிகரிக்கும் உணவுகள் மற்றும் ஆரோக்கியமான வாழ்க்கை முறையைப் பின்பற்றுவதன் அவசியம் குறித்து விளக்கமளித்தனர்.
விழாவில், மகளிர்கள் ஆரோக்கியமான, சத்துள்ள சிறுதானிய உணவு வகைகளை தயார் செய்து வந்து காட்சிப்படுத்தினர். தொடர்ந்து, உணவு தயாரித்து வந்திருந்த மகளிர்கள் மற்றும் குழந்தைகளுக்கு பரிசு வழங்கப்பட்டன. ஏற்பாடுகளை அங்கன்வாடி ஊழியர்கள், உதவியாளர்கள் செய்திருந்தனர்.
