பள்ளி முதல்வர் ஸ்டெல்லா மேரி தலைமை தாங்கினார். திருபுவனை அரசு உயர்நிலைப்பள்ளி முதல்வர் ஸ்ரீதேவி பங்கேற்று கண்காட்சியை துவக்கி வைத்து பார்வையிட்டார். கண்காட்சியில் மாணவர்களின் 100-க்கும் மேற்பட்ட கலை, அறிவியல் படைப்புகள் காட்சிபடுத்தப்பட்டன. பட்டதாரி ஆசிரியர்கள் ருக்குமணி, உதய பானு ஆகியோர் மாணவர்களின் சிறந்த படைப்புகளை தேர்வு செய்தனர். ஏற்பாடுகளை அறிவியல் ஆசிரியர்கள் கீதாஞ்சலி, மர்லின் போர்ஜியா, கலைவாணி, சுஜூ மலர், விஜயலட்சுமி, பைசூன்நாசியா, வெங்கடேசன், உடற்கல்வி ஆசிரியர் பாலச்சந்தர் ஆகியோர் செய்திருந்தனர்.

லிங்காரெட்டிப்பாளையம் பாண்கோஸ் அரசு மேல்நிலைப் பள்ளியில் நடந்த அறிவியல் கண்காட்சிக்கு பள்ளியின் துணை முதல்வர் கோசலை தலைமை தாங்கினார். தலைமையாசிரியர் சசிகலா வரவேற்றார். காட்டேரிக்குப்பம் அரசு உயர்நிலைப் பள்ளி தலைமையாசிரியர் ஸ்டெல்லா மேரி கண்காட்சியைத் துவக்கி வைத்து பார்வையிட்டு, மாணவர்களின் சிறந்த அறிவியல் படைப்புகள் தேர்வு செய்தார். கண்காட்சியில் மாணவர்களின் 100க்கும் மேற்பட்ட அறிவியல் படைப்புகள் காட்சிப்படுத்தப்பட்டன.