புதுச்சேரி அருகே உள்ள பஞ்சவடீ ஆஞ்சநேயர் கோவிலில் நாளை (3ம் தேதி) சந்திர கிரகணம் நிகழ்கிறது. இதனையொட்டி, நாளை கோவில் நடை திறப்பு மற்றும் தரிசன நேரங்களில் மாற்றம் செய்யப்பட்டுள்ளது.

அதிகாலை 5:00 மணிக்கு விஸ்வரூப தரிசனம் மற்றும் காலசந்தி பூஜைகள் நடக்கும். இதில் பக்தர்கள் பங்கேற்க அனுமதிக்கப்படுவர். இதனைத் தொடர்ந்து காலை 7:30 மணிக்கு அனைத்து சன்னதிகளும் நடை சாத்தப்படும். கிரகண காலத்தின்போது பொது தரிசனம் ரத்து செய்யப்படுகிறது.

தொடர்ந்து, கிரகண சாந்தி அபிஷேக ஆராதனைகள் நடைபெறும். அதன்பின், இரவு 7:00 மணிக்கு கோவில் நடை திறக்கப்பட்டு பக்தர்கள் தரிசனத்திற்கு அனுமதிக்கப்படுவர். மீண்டும் இரவு 8:00 மணி க்கு கோவில் நடை வழக்கம்போல் சாத்தப்படும்.

இத்தகவலை பஞ்சமுக ஸ்ரீ ஜெயமாருதி சேவா டிரஸ்ட் நிர்வாக அதிகாரி பாலசுப்ரமணியன் தெரிவித்துள்ளார்.