புதுச்சேரி அரசின் கூட்டுறவு நிறுவமான பாண்லே மூலம் மாநில முழுவதும் பால் மற்றும் பால் சார்ந்த பொருட்கள் விற்பனை செய்யப்பட்டு வருகிறது. இந்நிலையில், பாலின் உப பொருட்களின் விலை நேற்று முதல் உயர்த்தப்பட்டுள்ளது.

அதன் விபரம் வருமாறு: நெய்: 100 மில்லி ரூ.85ல் இருந்து ரூ.90 ஆகவும், 200 மில்லி ரூ.150ல் இருந்து ரூ.170 ஆகவும், 500 மில்லி ரூ.346ல் இருந்து ரூ.390 ஆகவும், ஒரு லிட்டர் ரூ.655ல் இருந்து ரூ.740 ஆக உயர்த்தப்பட்டுள்ளது.

வெண்ணை: 200 கிராம் ரூ.150ல் இருந்து 155 ஆகவும், 500 கிராம் ரூ. 272ல் இருந்து ரூ.30 ஆகவும், ஒரு கிலோ ரூ.533ல் இருந்து ரூ.590 ஆக உயர்த்தப்பட்டுள்ளது. பனீர்: 100 கிராம் ரூ.48ல் இருந்து ரூ.50 ஆகவும், ஒரு கிலோ பனீர் ரூ.400ல் இருந்து ரூ.425 ஆக உயர்த்தப்பட்டுள்ளது.

நெய் குறைந்தது 5 ரூபாய் முதல் அதிகபட்சமாக 85 ரூபாயும், வெண்ணை ரூ. 5 முதல் ரூ.57 வரையிலும், பனீர் ரூ.2 முதல் 25 ரூபாய் வரை உயர்த்தப்பட்டுள்ளது. இந்த விலை உயர்வு நேற்று முதல் அமலுக்கு வந்துள்ளது.