புதுச்சேரியில் பெட்ரோல் மற்றும் டீசல் மீதான மதிப்புக்கூட்டு வரியை (வாட்) வரும் ஜனவரி 1ம் தேதி முதல் அதிகரிக்க அரசு முடிவு செய்துள்ளது.

வாட் வரியை உயர்த்த கவர்னர் கைலாஷ்நாதன் ஒப்புதல் அளித்துள்ளார். இதனால் புத்தாண்டு முதல் புதுச்சேரியில் பெட்ரோல், டீசல் விலை 2 ரூபாய் வரை உயர்கிறது.

பெட்ரோல் விலை:

தற்போது, புதுச்சேரியில் பெட்ரோல் விலை லிட்டருக்கு ரூ.94.26, காரைக்காலில் 94.03, மாகேவில் 91.92, ஏனாமில் 94.92 ஆக உள்ளது.

வாட் உயர்வு மூலம் புதுச்சேரியில் பெட்ரோல் விலை ரூ.96.26, காரைக்கால்- 96.03, மாகே-93.92, ஏனாம்-96.92 ஆக விலை அதிகரிக்கிறது.

பிற மாநில ஒப்பீடு

பெட்ரோலை பொருத்தவரை புதுச்சேரியும் கடலுாரை ஒப்பிடும்போதும் ரூ. 8.54, விலை வித்தியாசம் உள்ளது. வாட் அதிகரிப்பினால் இந்த வித்தியாசம் ரூ.6.54 ஆக குறைகிறது.

காரைக்காலை நாகப்பட்டினத்துடன் ஒப்பிடும் போதும் ரூ.8.22 பெட்ரோல் விலை வித்தயாசம் உள்ளது. வாட் அதிகரிப்பினால் இது 6.22 ரூபாயாக குறையும். இதே மாகே பிராந்தியத்தை ஆந்திரா கண்ணுாருடன் ஒப்பிடும்போது, ரூ.13.86 உள்ளது.

இந்த வித்தியாசம் தற் போது ரூ.11.86 ஆக குறையும். ஏனாம் பிராந்தியத்தை காக்கிநாடாவுடன் ஒப்பிடும்போது பெட்ரோல் விலை வித்தியாசம் ரூ.15.16 ஆக உள்ளது. வாட் அதிகரிப்பினால் இந்த விலை வித்தியாசம் 13.16 ஆக குறையும்.

டீசல் விலை

தற்போது டீசல் விலை புதுச்சேரியில் ரூ.84.48, காரைக்காலில் 84.31, மாகேவில் 81.90, ஏனாமில் ரூ.84.75 ஆக உள்ளது. வாட் வரி உயர்வால் டீசல் விலையும் ரூ.2 வரை அதிகரிக்கிறது.

வாட் அதிகரிப்பினால் புத்தாண்டு முதல் டீசல் விலை புதுச்சேரி - ரூ.86.48, காரைக்கால் - ரூ.86.31, மாகே - ரூ.83.90, ஏனாம் - ரூ.86.75 ஆக அதிகரிக்கிறது.

பிற மாநில ஒப்பீடு

டீசலை பொருத்தவரை, புதுச்சேரிக்கு கடலுாருக்கும் ரூ.9.91 ரூபாய் வித்தியாசம் உள்ளது.

வாட் அதிகரிப்பினால் இந்த வித்தியாசம் ரூ.7.91 ஆக குறைகின்றது. காரைக்காலை நாகபட்டினத்துடன் ஒப்பிடும்போது, டீசல் விலை ரூ.9.54 வித்தியாசம் உள்ள சூழ்நிலையில் இது 7.54 ஆக குறைகிறது.

மாகேவை கண்ணுாருடன் ஒப்பீடும்போது ரூ.12.88 வித்தியாசம் உள்ளது. வாட் உயர்வால் இந்த வித்தியாசம் ரூ.10.88 ஆக குறையும்.

ஏனாம் பிராந்தியத்துடன் காக்கிநாடாவை ஒப்பிடும்போது டீசல் விலை ரூ.13.09 வித்தியாசம் உள்ள சூழ்நிலையில் இனி, ரூ.11.09 ஆக குறையும்.

புதுச்சேரி அரசின் வருவாயை உயர்த்தும் நோக்கில் இந்த வாட் வரி உயர்த்தப்பட்டுள்ளது.

இந்த பெட்ரோல், டீசல் விலை உயர்வு புதுச்சேரி மக்களுக்கு அரசு அளித்துள்ள புத்தாண்டு பரிசு என எதிர்கட்சிகள் விமர்சனம் செய்து வருகின்றன.