புதுச்சேரி முதல்வர் ரங்கசாமி, தினமும் காலை, மாலையில், தன் வீட்டின் அருகில் உள்ள மைதானத்தில் டென்னிஸ் விளையாடுவது வழக்கம். இந்நிலையில், முதல்வர் சில தினங்களாக முதுகு வலி யால் அவதிப்பட்டு வந்தார்.

இதன் காரணமாக, நேற்று முன்தினம் மாகியில் நடந்த அரசு விழாவிற்கு செல்லாமல், சட்டசபையில் இருந்தபடி, 'வீடியோ கான்பரன்ஸ்' வாயிலாக கலந்து கொண்டார். நேற்று அவருக்கு முதுகு வலி அதிகரித்தது.

டாக்டர்கள் அவரை பரிசோதித்தபோது, முதுகில் தசை பிடிப்பு ஏற்பட்டிருப்பது தெரியவந்தது. அதற்கு சிகிச்சை அளித்த டாக்டர்கள், மூன்று நாள் ஓய்வெடுக்க அறிவுறுத்தினர்.

அதையேற்று முதல்வர் ரங்கசாமி, திலாஸ்பேட்டையில் உள்ள அவரது வீட்டில் ஓய்வெடுத்து வருகிறார். இதன் காரணமாக, நேற்று ஜிப்மர் மருத்துவ கல்லுாரியில் நடந்த பட்டமளிப்பு விழாவில், முதல்வர் பங்கேற்கவில்லை.