புதுச்சேரி, பாகூரைச் சேர்ந்தவரை தொடர்பு கொண்ட மர்மநபர், ஆன்லைன் வர்த்தகத்தில் முதலீடு செய்தால், அதிக பணம் சம்பாதிக்கலாம் என, தெரிவித்தார். அதை உண்மை என நம்பி, மர்மநபர் அனுப்பிய ஆன்லைன் வர்த்தக லிங்கில் பல்வேறு தவணைகளாக ரூ. 1 கோடியே 23 லட்சத்து 50 ஆயிரம் முதலீடு செய்துள்ளார். அதன் மூலம் வந்த லாபத்தை எடுக்க முயன்றபோது முடியவில்லை. அதன் பிறகே மோசடி கும்பலிடம் பணத்தை இழந்தது தெரியவந்தது.

இதுபோல், உறுவையாரைச் சேர்ந்தவர் 5 ஆயிரத்து 900, பாகூரைச் சேர்ந்தவர் 12 ஆயிரத்து 825 என, 3 பேர் சைபர் மோசடி கும்பலிடம் ரூ. 1 கோடியே 23 லட்சத்து 68 ஆயிரத்து 725 ஏமாந்துள்ளனர். புகார்களின் பேரில், சைபர் கிரைம் போலீசார் வழக்குப் பதிந்து விசாரித்து வருகின்றனர்.