இந்திய கிரிக்கெட் கட்டுப்பாட்டு வாரியத்தின் சார்பில், சயீத் முஸ்டாக் அலி கோப்பைக்கான ஆண்கள் பங்கேற்கும் 20 ஓவர் கிரிக்கெட் போட்டிகளை பல்வேறு இடங்களில் நடத்தி வருகின்றன.

விசாகப்பட்டினத்தில் நேற்று நடந்த புதுச்சேரி மற்றும் ஒடிசா அணிகளுக்கான போட்டி மழையின் காரணமாக 6 ஓவர் போட்டியாக குறைக்கப்பட்டது. முதலில் ஆடிய புதுச்சேரி அணி 6 ஓவர்களில் 2 விக்கெட் இழந்து 91 ரன்கள் விளாசியது.

அருண் கார்த்திக் 15 பந்துகளில் 35 ரன், அஜய் ரோஹேரா 10 பந்துகளில் 21 ரன், ஆகாஷ் கார்கவே 8 பந்துகளில் 22 ரன் அடித்தனர். அடுத்து ஆடிய ஒடிசா அணி 6 ஓவர்களில் 3 விக்கெட் இழந்து 75 ரன்கள் எடுத்து தோல்வி அடைந்தனர். புதுச்சேரி அணி 16 ரன்கள் வித்தியாசத்தில் வெற்றி பெற்றது.

புதுச்சேரியின் அருண் கார்த்திக் ஆட்டநாயகன் விருது பெற்றார்.