புதுச்சேரியில் கடந்த சில நாட்களாக பகல் நேரங்களில் கடுமையாக வெயில் அடித்தது. இதனால் ஏற்பட்ட கடுமையான வெப்பதால் வீட்டை விட்டு வெளியில் வர முடியாமல் மக்கள் தவித்தனர். இந்நிலையில் மாலை 6:30 மணியளவில், வானம் கருமேகங்கள் சூழ்ந்து இருண்டது. பின் பலத்த சூறைக் காற்றுடன் கன மழை பெய்தது. இதனால் சாலைகளில் வெள்ளம் பெருக்கெடுத்து ஓடியது. திடீர் மழையால் ஏற்பட்ட குளிர்ச்சியான சூழ்நிலையால், வெப்பத்தில் தவித்த மக்கள் நிம்மதி அடைந்தனர்.