லாஸ்பேட்டை போலீசார், நான்கு தனிப்படைகள் அமைத்து விசாரித்தனர். அதில், சாமிப்பிள்ளை தோட்டத்தை சேர்ந்த ரவுடி கருணா துாண்டுதலில், அவரது கூட்டாளிகள் உமாசங்கரை கொலை செய்தது தெரிந்தது.

கருணா தலைமறைவான நிலையில், அவரது கூட்டாளிகள் செல்வகணபதி, 25, பாலாஜி, 26, உட்பட எட்டு பேரை போலீசார் கைது செய்தனர்.

சீனியர் எஸ்.பி., கலைவாணன் கூறுகையில், ''இருவருக்கும் ஓராண்டாக விரோதம் இருந்துள்ளது. அப்பகுதியில் யார் பெரியவர் என்பதில் ஏற்பட்ட போட்டியில் கொலை நடந்துள்ளது.

''கொலையில் அரசியல் தொடர்பு இருப்பதாக தெரியவில்லை. முக்கிய குற்றவாளியான கருணா உட்பட நான்கு பேரை தேடி வருகிறோம்,'' என்றார்.