லாஸ்பேட்டையைச் சேர்ந்த பெண்ணை தொடர்பு கொண்ட மர்ம நபர், வங்கி அதிகாரி போல் பேசியுள்ளார். அதில், வங்கி கணக்கின் கே.ஓய்.சி.,யை புதுப்பிக்க ஏ.டி.எம்., கார்டு விவரங்கள் மற்றும் ஓ.டி.பி., எண்ணை கேட்டுள்ளார். இதைநம்பிய அப்பெண் , மர்மநபருக்கு அனைத்து விவரங்களையும் தெரிவித்துள்ளார். அதன்பின் அவரது வங்கி கணக்கில் இருந்து ரூ. 8 லட்சத்து 94 ஆயிரத்து 588 ரூபாயை மோசடி கும்பல் எடுத்து ஏமாற்றியுள்ளது.

இதேபோல், புதுச்சேரி பாரதி நகரை சேர்ந்தவர் 2 ஆயிரத்து 400, வில்லியனுாரை சேர்ந்தவர் 18 ஆயிரத்து 639, பூமியன்பேட்டையை சேர்ந்தவர் 5 ஆயிரத்து 450, அபிேஷகப்பாக்கத்தை சேர்ந்தவர் 3 ஆயிரத்து 150, வில்லியனுாரை சேர்ந்த பெண் 2 ஆயிரத்து 900 என, 6 பேர் 9 லட்சத்து 27 ஆயிரத்து 127 ரூபாய் இழந்துள்ளனர்.

இதுகுறித்த புகார்களின் பேரில், சைபர் கிரைம் போலீசார் வழக்குப் பதிந்து விசாரித்து வருகின்றனர்.