திருக்கனுார் தனியார் மண்டபத்தில் நடந்த நிகழ்ச்சிக்கு, அமைச்சர் நமச்சிவாயம் தலைமை தாங்கினார். மாநில நிர்வாகி மோகன் குமார், வில்லியனுார் மாவட்ட தலைவர் அனிதா, தொகுதி பொறுப்பாளர் கண்ணன், தலைவர் அனுசுவை உட்பட பலர் கலந்து கொண்டனர்.

கூட்டத்தில் அமைச்சர் நமச்சிவாயம் பேசுகையில், ‘வரும் 3ம் தேதி புதுச்சேரியில் நடக்கும் ஜனநாயகத்தை காப்போம், வன்முறையாளர்களை அகற்றுவோம் பேரணியில் மண்ணாடிப்பட்டு தொகுதியில் இருந்து 2 ஆயிரத்திற்கும் மேற்பட்டோர் கலந்து கொள்ள வேண்டும்.

நமது நாட்டை எந்த ஒரு அந்திய சக்தியாலும், தீயசக்தியாலும் அழித்து விட முடியாது என்பதை இந்த பேரணி மூலம் நிரூபிக்க வேண்டும்’ என்றார்.

கரப்பான் பூச்சியை நசுக்கிடலாம்

பா.ஜ., கலந்துரையாடல் நிகழ்ச்சியில் அமைச்சர் நமச்சிவாயம் பேசியபோது, கரப்பான் பூச்சி ஒன்று மேடையில் விழுந்து ஓடியது. அதைகண்ட நிர்வாகிகள் கரப்பான் பூச்சி வந்துள்ளது என்றனர். அதற்கு, அமைச்சர் ‘உடனடியாக கரப்பான் பூச்சியை நசுக்கிடலாம்’ என்றார். அதை கேட்ட நிர்வாகிகள் மற்றும் பொதுமக்கள் அனைவரும் சிரித்தனர்.