புதுநகர் பகுதியில் தனியார் கல்லுாரிக்கு அருகே அரசால் தடைசெய்யப்பட்ட புகையிலை பொருட்கள் விற்பதாக போலீசாருக்கு தகவல் கிடைத்தது. போலீசார் விரைந்து சென்று அங்குள்ள கடையில் சோதனை நடத்தினர். அதில், உருளையன்பேட்டையை சேர்ந்த சக்திவேல்,33; என்பவர் புகையிலை பொருட்கள் விற்றது தெரியவந்தது. அவர், மீது வழக்கு பதிந்த போலீசார், ரூ.10 ஆயிரம் மதிப்புள்ள புகையிலை பொருட்களை பறிமுதல் செய்தனர்.