மத்திய அரசின் பிரதம மந்திரி சூரிய வீடு இலவச மின்சார திட்டத்தின் கீழ், கருவடிக்குப்பம் காமராஜர் மணி மண்டபத்தில் சூரிய சக்தி முகாம் இன்று (17ம் தேதி) காலை 11:00 மணியளவில் நடக்கிறது.

முகாமில், வீடுகளின் மேற்கூரையில் சூரிய மின்சக்தி அமைப்பை நிறுவுவதன் பயன்கள், மானிய உதவிகள், விண்ணப்பிக்கும் முறைகள், வங்கி கடன் குறித்து விழிப்புணர்வு ஏற்படுத்தப்படுகிறது. சூரிய மின்சக்தி அமைக்க மத்திய அரசு மற்றும் மாநில அரசு மானியம் வழங்ப்படுகிறது.

1 கிலோ வாட் சூரிய மின் சக்தி அமைக்க மத்திய அரசு 30 ஆயிரம் ரூபாயும், மாநில அரசு 10 ஆயிரம் ரூபாய் மானியம் வழங்கப்படுகிறது.

3 கிலோ வாட் அமைக்க மத்திய அரசு 78 ஆயிரம் ரூபாயும், மாநில அரசு 30 ஆயிரம் ரூபாய் மானியம் வழங்கப்படுகிறது. எனவே தகுதியுள்ள மின் நுகர்வோர்கள், முகாமில் பங்கேற்று பயன்பெறுமாறு கண்காணிப்பு பொறியாளர் தெரிவித்துள்ளார்.