முருங்கப்பாக்கம் மீனவர் கூட்டுறவு சங்கம் சார் பில், உலக மீனவர்கள் தினத்தை முன்னிட்டு விளையாட்டு போட்டி அரியாங்குப்பத்தில் நடத்தப்பட்டது. இதில், வலை பின்னுதல், ஓட்டப்பந்தயம், கோலப்போட்டி, எலுமிச்சை பழம் ஸ்பூன் ஆகிய போட்டிகளில் மாணவ, மாணவிகள் கலந்து கொண்டனர்.

வெற்றிப் பெற்ற மாணவர்களுக்கு பரிசு வழங்கும் நிகழ்ச்சி அரியாங்குப்பம் எம்.எல்.ஏ., அலுவலகத்தில் நடந்தது. பாஸ்கர் எம்.எல்.ஏ., மாணவர்களுக்கு பரிசு வழங்கி பாராட்டினார். நிகழ்ச்சியில், முருங்கப்பாக்கம் மீனவர் கூட்டுறவு சங்கம், பச்சைவாழியம்மன் உள்நாட்டு மீனவர் கிராம பஞ்சாயத்து நிர்வாகிகள் உட்பட பலர் கலந்து கொண்டனர்.