புத்தாண்டு கொண்டாட்டம் காரணமாக புதுச்சேரி ேஹாட்டல்களில் அறைகள் அனைத்தும் நிரம்பி விட்டன. தங்குவதற்கு ேஹாட்டல்களில் அறைகள் ஏதும் கிடைக்கவில்லை. இதனால், புதுச்சேரி அஜிஸ் நகரில் உள்ள மார்க்சிஸ்ட் கம்யூ., கட்சி அலுவலகத்தில் தீபங்கர்சென் எம்.எல்.ஏ., தனது குடும்பத்தினருடன் தங்கினார்.

கட்சி அலுவலகத்தில் இருந்து நேற்று காலை குடும்பத்தினருடன் ஆட்டோவில் புறப்பட்ட அவர், புதுச்சேரி சட்டசபைக்கு வந்தார். ஆட்டோவில் குடும்பத்தினரை காத்திருக்க வைத்துவிட்டு, தனியாக சட்டசபைக்குள் சென்ற அவரை, சபை காவலர்கள் நிறுத்தி விசாரித்தனர்.

தான் எம்.எல்.ஏ., என்பதற்கான அடையாள அட்டையை காண்பித்த பிறகு, சட்டசபைக்குள் செல்ல அனுமதித்தனர். பின் அவரை, அமைச்சர் திருமுருகன் சால்வை அணிவித்து வரவேற்றார்.

சில நிமிடம் அமைச்சருடன் பேசிய பின், சட்டசபையில் இருந்து மீண்டும் குடும்பத்தினருடன் ஆட்டோவில் புறப்பட்டு, புதுச்சேரி அருகே உள்ள சர்வதேச நகரான ஆரோவில் சென்றார்.

தீபங்கர் சென் எம்.எல்.ஏ., கூறுகையில், ''இரு நாட்களுக்கு முன் தமிழகம் வந்தேன். தற்போது புதுச்சேரியை சுற்றிப் பார்க்க வந்துள்ளேன். குடும்பத்தினருடன் ஆட்டோவில் வலம் வருவது மகிழ்ச்சியாக உள்ளது.

''புதுச்சேரி அழகாக உள்ளது. இங்கு உள்ள இலவச திட்டங்கள் போல் திரிபுராவில் ஏதும் கிடையாது. குடும்பத்தினருடன் ஆட்டோவில் பயணிப்பது பெரிய விஷயம் இல்லை,'' என்றார்.