ஊசுடு தொகுதி கோபாலன்கடை பேட் கிராமத்தில் உள்ள வர்ணமுத்து மாரியம்மன் கோவில் வளாகத்தில்,விநாயகர், பாலமுருகன், திருக்காமேஸ்வரர் சுவாமிகளுக்கு தனி சன்னதிகள் அமைத்து, கும்பாபிஷேகம் நடந்தது.

கும்பாபிஷேக விழா கடந்த 7ம் தேதி விக்னேஸ்வர பூஜையுடன் துவங்கியது.

8 ம் தேதி காலை முதல் யாகசாலை பூஜையும், 9ம் தேதி இரண்டாம் கால யாகசாலை பூஜையும், நேற்று காலை மூன்றாம் கால யாகசாலை பூஜையும் நடந்தது.

காலை 9:30 மணியளவில் விநாயகர், பாலமுருகன், திருக்காமேஸ்வர் மற்றும் வர்ணமுத்து மாரியம்மன் கோபுர கலசங்களில் புனிதநீர் ஊற்றி கும்பாபிஷேகமும்,மூலவர்களுக்கு மகா தீபாராதனையும் நடந்தது. விழாவில் முன்னாள் எம்.எல்.ஏ., கார்த்திகேயன் மற்றும் திரளான பக்தர்கள் பங்கேற்று தரிசனம் செய்தனர்.