புதுச்சேரி காங்., அலுவலகத்தில் முன்னாள் பிரதமர் ராஜிவ் பிறந்த நாள் விழா நேற்று கொண்டாடப்பட்டது. மாநில காங்., செயலாளர் குமரன் ஏற்பாட்டில் நலத்திட்ட உதவிகள் வழங்கப்பட்டது.

குமரன் முன்னிலையில், முன்னாள் முதல்வர் நாராயணசாமி, காங்., மாநில தலைவர் வைத்திலிங்கம் எம்.பி., ஆகியோர் சாலையோர வியாபாரிகள் இரண்டு பேருக்கு விலையில்லா நான்கு சக்கர தள்ளு வண்டிகளை வழங்கினர்.

நான்கு மகளிருக்கு சுயதொழில் செய்யும் வகையில்தையல் இயந்திரங்களையும், சாலையோரம் வியாபாரம் செய்யும் 15 நபர்களுக்கு நிழற்குடைகளையும் வழங்கினர்.இதில் மாநில, மாவட்ட, தொகுதி காங்., நிர்வாகிகள் பலர் கலந்து கொண்டனர். ஏற்பாடுகளை காங்., மாநில செயலாளர் குமரன் செய்திருந்தார்.