பெங்களூருவில், சீனியர் தேசிய பாட்மின்டன் சாம்பியன்ஷிப் 86வது சீசன் நடக்கிறது. ஆண்கள் ஒற்றையர் பிரிவு 2வது சுற்றில் மிதுன் மஞ்சுநாத், பரத் ராகவ் மோதினர். அபாரமாக ஆடிய மிதுன் 21-9, 21-18 என்ற நேர் செட் கணக்கில் வெற்றி பெற்றார்.

மற்றொரு போட்டியில் சவுரவ் வர்மா 21-17, 21-17 என, அபினவ் கார்க்கை தோற்கடித்தார். 'நடப்பு சாம்பியன்' சிராக் சென் 21-15, 21-15 என ஜீத் படேலை வென்றார்.

பெண்கள் ஒற்றையர் பிரிவு 2வது சுற்றில் 'நடப்பு சாம்பியன்' அன்மோல் கார்ப், தீபாலி குப்தா மோதினர். இதில் அன்மோல் கார்ப் 21-8, 21-6 என்ற நேர் செட் கணக்கில் வெற்றி பெற்றார். கடந்த முறை பைனல் வரை சென்ற தன்வி சர்மா 21-8, 21-6 என புளோராவை தோற்கடித்தார்.