ஜெர்மனியில் 'ஹைலோ' ஓபன் சர்வதேச பாட்மின்டன் தொடர் நடக்கிறது. ஆண்கள் ஒற்றையர் முதல் சுற்றில் இந்தியாவின் லக்சயா சென், பிரான்சின் போபோவை சந்தித்தார். இதில் லக்சயா, 21-16, 22-20 என்ற நேர் செட்டில் வெற்றி பெற்று, இரண்டாவது சுற்றுக்கு முன்னேறினார்.

மற்றொரு போட்டியில் இந்தியாவின் சங்கர் முத்துசாமி ('நம்பர்-65'), உலகத்தரவரிசையில் 22 வது இடத்திலுள்ள மலேசியாவின் ஹாவோ லியாங்கை 21-14, 18-21, 21-16 என்ற செட் கணக்கில் வீழ்த்தினார். இந்தியாவின் கிரண் ஜார்ஜ், 21-19, 21-11 என சக வீரர் ஸ்ரீகாந்தை வென்றார்.

பெண்கள் ஒற்றையர் முதல் சுற்றில் இந்தியாவின் ஸ்ரீயான்ஷி, 21-19, 21-12 என டென்மார்க்கின் ஹோஜ்மார்க்கை சாய்த்தார். இந்திய வீராங்கனை ரக் ஷிதா, 21-14, 21-16 என ஸ்பெயினின் அஜுர்மெண்டியை வென்றார். மற்றொரு போட்டியில் இந்தியாவின் உன்னதி ஹூடா, 21-4, 21-13 என பிரேசிலின் வியராவை வீழ்த்தினார்.