ஆந்திர மாநிலம் விஜயவாடாவில், சீனியர் தேசிய பாட்மின்டன் சாம்பியன்ஷிப் 87வது சீசன் நடக்கிறது. பெண்கள் ஒற்றையர் பிரிவு காலிறுதியில் உலக ஜூனியர் சாம்பியன்ஷிப்பில் வெள்ளி வென்ற தான்வி சர்மா, ரக்சித்தா ஸ்ரீ மோதினர். இதில் தான்வி 21-16,, 14-21, 18-21 என்ற செட் கணக்கில் அதிர்ச்சி தோல்வியடைந்தார்.

மற்றொரு காலிறுதியில் முன்னணி வீராங்கனை உன்னதி ஹூடா, 12-21, 15-21 என்ற நேர் செட் கணக்கில் சூர்யா கரிஷ்மாவிடம் வீழ்ந்தார்.

ஆண்கள் ஒற்றையர் காலிறுதியில் கிரண் ஜார்ஜ், 21-18, 21-18 என ரவுனக் சவுகானை வென்றார். தருண் மன்னெப்பள்ளி, 21-13, 22-20 என பாரத்தை வீழ்த்தினார்.

பெண்கள் இரட்டையரில் இத்தொடரின் 'நம்பர்-1' அந்தஸ்து பெற்ற ருதுபர்ணா, ஸ்வேதாபர்ணா ஜோடி, காலிறுதிக்கு முந்தைய சுற்றில் ரிதுவர்ஷினி, சானியா ஜோடியிடம் தோற்று, வெளியேறியது.