சீனாவில் பாட்மின்டன் ஆசிய சாம்பியன்ஷிப் 42வது சீசன் நடக்கிறது. கலப்பு இரட்டையர் பிரிவு இரண்டாவது சுற்றில் இந்தியாவின் தனிஷா, துருவ் ஜோடி, தைவானின் ஹாங் வெய், நிக்கோல் ஜோடியை சந்தித்தது. முதல் செட்டை 12-21 என இழந்த இந்திய ஜோடி அடுத்த இரு செட்டுகளை 21-16, 21-18 என வசப்படுத்தியது. முடிவில் இந்திய ஜோடி 12-21, 21-16, 21-18 என வெற்றி பெற்று, காலிறுதிக்குள் நுழைந்தது.

மற்றொரு போட்டியில் இந்தியாவின் ஆஷித் சூர்யா, அம்ருதா ஜோடி, 11-21, 14-21 என சீனாவின் ஜியாங், வெய் ஜோடியிடம் தோற்றது.

ஆண்கள் ஒற்றையர் இரண்டாவது சுற்றில் இந்தியாவின் கிரண் ஜார்ஜ், 21-19, 13-21, 16-21 என தாய்லாந்தின் விதித்சர்னிடம் தோற்றார். மற்றொரு வீரர் பிரியான்ஷ், 14-21, 17-21 என்ற கணக்கில் ஜப்பானின் நரோகாவிடம் வீழ்ந்தார்.

சிந்து ஏமாற்றம்

பெண்கள் ஒற்றையர் இரண்டாவது சுற்றில் இந்தியாவின் சிந்து ('நம்பர்-17'), 3 வது இடத்திலுள்ள ஜப்பானின் யமாகுச்சி மோதினர். இதில் சிந்து 11-21, 21-16, 16-21 என தோல்வியடைந்தார்.