இந்தியாவின் லக்னோவில் சையது மோடி சர்வதேச பாட்மின்டன் தொடர் நடக்கிறது. பெண்கள் இரட்டையர் முதல் சுற்றில், நடப்பு சாம்பியன், இந்தியாவின் திரிஷா, காயத்ரி ஜோடி, மலேசியாவின் சு சங், ஜிங் இ டனை எதிர்கொண்டது. முதல் செட்டை இந்திய ஜோடி 19-21 என இழந்தது. இரண்டாவது செட்டில் போராடிய இந்திய ஜோடி 22-20 என கைப்பற்றியது. தொடர்ந்து, மூன்றாவது, கடைசி செட்டை 21-9 என வசப்படுத்தியது. முடிவில் இந்திய ஜோடி 19-21, 22-20, 21-9 என்ற கணக்கில் வெற்றி பெற்றது.

மற்றொரு போட்டியில் இந்தியாவின் ஷ்ருதி, பிரியா ஜோடி 21-8, 21-11 என்ற நேர் செட்டில், இந்தியாவின் ரீவா, சம்ரிதி ஜோடியை வென்றது.

ஆண்கள் இரட்டையர் பிரிவு முதல் சுற்றில் இந்தியாவின் அர்ஜுன், ஹரிஹரன் ஜோடி 21-11, 21-13 என்ற கணக்கில் இந்தியாவின் மகிஜா, சுஜேஸ் ஜோடியை வீழ்த்தியது. மற்றொரு போட்டியில் இந்தியாவின் சாய் பிரதீக், புருத்வி ஜோடி 21-8, 21-17 என்ற நேர் செட்டில் இந்தியாவின் நிபிர் ரஞ்சன், சுவர்ணராஜ் ஜோடியை வென்றது.