சீனாவில், 'சூப்பர் 1000' அந்தஸ்து பெற்ற சீன ஓபன் பாட்மின்டன் தொடர் நடக்கிறது. இதன் பெண்கள் ஒற்றையர் பிரிவு காலிறுதியில், உலகின் 'நம்பர்-43' இந்தியாவின் மாளவிகா பன்சோத், 5வது இடத்தில் உள்ள ஜப்பானின் அகானே யமகுச்சி மோதினர்.

முதல் செட்டை 10-21 என இழந்த மாளவிகா, இரண்டாவது செட்டை 16-21 எனக் கோட்டைவிட்டார். மொத்தம் 35 நிமிடம் நீடித்த போட்டியில் ஏமாற்றிய மாளவிகா 10-21, 16-21 என்ற நேர் செட் கணக்கில் தோல்வியடைந்து வெளியேறினார்.நாக்பூரை சேர்ந்த மாளவிகா 22, அகானே யமகுச்சிக்கு எதிராக தொடர்ச்சியாக 3வது தோல்வியை பெற்றார்.