டென்மார்க்கில், 'சூப்பர் 750' அந்தஸ்து பெற்ற டென்மார்க் ஓபன் பாட்மின்டன் தொடர் நடக்கிறது. இதன் பெண்கள் ஒற்றையர் பிரிவு காலிறுதியில் இந்தியாவின் சிந்து, இந்தோனேஷியாவின் கிரிகோரியா மரிஸ்கா துஞ்சங் மோதினர். முதல் செட்டை 13-21 என இழந்த சிந்து, பின் எழுச்சி கண்டு இரண்டாவது செட்டை 21-16 எனக் கைப்பற்றி பதிலடி கொடுத்தார். வெற்றியாளரை நிர்ணயிக்கும் மூன்றாவது செட்டில் சொதப்பிய இவர் 9-21 எனக்கோட்டைவிட்டார்.

மொத்தம் 57 நிமிடம் நீடித்த போட்டியில் ஏமாற்றிய சிந்து 13-21, 21-16, 9-21 என்ற கணக்கில் தோல்வியடைந்து வெளியேறினார். இத்தொடரில் இந்திய நட்சத்திரங்களின் பங்களிப்பு முடிவுக்கு வந்தது. ஏற்கனவே இந்தியாவின் லக்சயா சென், சதிஷ் குமார், மாளவிகா, காயத்ரி, திரீசா உள்ளிட்டோர் தோல்வியை தழுவினர்.