டென்மார்க்கில், 'சூப்பர் 750' அந்தஸ்து பெற்ற டென்மார்க் ஓபன் பாட்மின்டன் தொடர் நடக்கிறது. இதன் பெண்கள் ஒற்றையர் பிரிவு 2வது சுற்றில் இந்தியாவின் சிந்து, சீனாவின் யூ ஹான் மோதினர். முதல் செட்டை 18-21 என இழந்த சிந்து, பின் எழுச்சி கண்டு இரண்டாவது செட்டை 21-12 எனக் கைப்பற்றி பதிலடி கொடுத்தார். தொடர்ந்து அசத்திய இவர், வெற்றியாளரை நிர்ணயிக்கும் மூன்றாவது செட்டை 21-16 என தன்வசப்படுத்தினார்.

ஒரு மணி நேரம், 3 நிமிடம் நீடித்த போட்டியில் அபாரமாக ஆடிய சிந்து 18-21, 21-12, 21-16 என்ற கணக்கில் வெற்றி பெற்று காலிறுதிக்குள் நுழைந்தார்.