வியட்நாமில், 'சூப்பர் 100' அந்தஸ்து பெற்ற சர்வதேச பாட்மின்டன் தொடர் நடக்கிறது. கலப்பு இரட்டையர் முதல் சுற்றில் இந்தியாவின் துருவ் கபிலா, தனிஷா ஜோடி, வியட்நாமின் பாம் வான் ஹாய், தன் வான் அன்ஹ் ஜோடியை சந்தித்தது. முதல் செட்டை 12-21 என இழந்த இந்திய ஜோடி, பின் எழுச்சி கண்டு இரண்டாவது செட்டை 21-17 எனக் கைப்பற்றியது.

வெற்றியாளரை நிர்ணயிக்கும் மூன்றாவது செட்டில் மீண்டும் அசத்திய இந்திய ஜோடி 21-19 என தன்வசப்படுத்தியது. முடிவில் துருவ் கபிலா, தனிஷா ஜோடி 12-21, 21-17, 21-19 என்ற கணக்கில் வெற்றி பெற்று 2வது சுற்றுக்கு முன்னேறியது.

மற்றொரு போட்டியில் இந்தியாவின் சதிஷ் குமார் கருணாகரன், ஆத்யா வரியாத் ஜோடி 21-13, 21-18 என சகநாட்டை சேர்ந்த டிங்கு சிங், பிரியா ஜோடியை வீழ்த்தியது. பெண்கள் ஒற்றையர் முதல் சுற்றில் இந்தியாவின் தஸ்னிம் மிர் 18-21, 21-14, 16-21 என அஜர்பெய்ஜானின் பாத்திமா கெய்ஷாவிடம் தோல்வியடைந்தார். ஆண்கள் ஒற்றையர் முதல் சுற்றில் இந்தியாவின் சுபாங்கர், சதிஷ் குமார் கருணாகரன், சமீர் வர்மா தோல்வியடைந்தனர்.