இலங்கையின் காலேயில் சர்வதேச பாட்மின்டன் சாம்பியன்ஷிப் தொடர் நடந்தது. பெண்கள் ஒற்றையர் பிரிவு பைனலில் இந்தியாவின் இஷாராணி பருவா 20, 16 வயது வீராங்கனை ரக்சிதா ராம்ராஜ் மோதினர். முதல் செட் ரக்சிதா சவால் கொடுத்த போதும், இஷாராணி 22-20 என கைப்பற்றினார்.

தொடர்ந்து அசத்திய இவர், அடுத்த செட்டையும் 21-14 என வசப்படுத்தினார். முடிவில் இஷாராணி 22-20, 21-14 என்ற நேர் செட்டில் வெற்றி பெற்று தங்கம் கைப்பற்றினார்.

* ஆண்கள் ஒற்றையரில் இந்தியாவின் குல்ஷன் குமார், சக வீரர் சதிஷ் குமாரை சந்தித்தார். இதில் குல்ஷன் குமார் 21-18, 21-17 என வென்று தங்கம் வசப்படுத்தினார்.

* கலப்பு இரட்டையர் பைனலில் இந்தியாவின் ஆஷித் சூர்யா, அம்ருதா ஜோடி, 21-15, 21-13 என தாய்லாந்து ஜோடியை வென்று சாம்பியன் ஆனது.

* பெண்கள் இரட்டையரில் உலகத் தரவரிசையில் 53வது இடத்திலுள்ள இந்தியாவின் ருதுபர்ணா, ஸ்வேதாபர்ணா சகோதரிகள் 12-21, 14-21 என 'நம்பர் 181' வது இடத்திலுள்ள தாய்லாந்து ஜோடியிடம் அதிர்ச்சி தோல்வியடைந்தது, வெள்ளி வென்றது.

இத்தொடரில் இந்தியா 3 தங்கம், 3 வெள்ளி, 3 வெண்கலம் என மொத்தம் 9 பதக்கம் கைப்பற்றியது.