தென் கொரியாவில், 'சூப்பர் 300' அந்தஸ்து பெற்ற மாஸ்டர்ஸ் பாட்மின்டன் தொடர் நடக்கிறது. இதன் ஆண்கள் ஒற்றையர் பிரிவு முதல் சுற்றில் இந்தியாவின் கிரண் ஜார்ஜ், வியட்நாமின் ஹாய் டாங் நுயென் மோதினர். முதல் செட்டை 15-21 என இழந்த கிரண் ஜார்ஜ், பின் எழுச்சி கண்டு இரண்டாவது செட்டை 21-12 எனக் கைப்பற்றினார். வெற்றியாளரை நிர்ணயிக்கும் மூன்றாவது செட்டில் மீண்டும் அசத்திய இவர், 21-15 என தன்வசப்படுத்தினார்.

மொத்தம் 57 நிமிடம் நீடித்த போட்டியில் அசத்திய கிரண் ஜார்ஜ் 15-21, 21-12, 21-15 என்ற கணக்கில் வெற்றி பெற்று இரண்டாவது சுற்றுக்கு முன்னேறினார். இதில் சீனதைபேயின் சி யு ஜென்னை எதிர்கொள்கிறார்.