ஒடிசா மாநிலம் கட்டாக்கில், 'சூப்பர் 100' அந்தஸ்து பெற்ற மாஸ்டர்ஸ் பாட்மின்டன் தொடர் நடந்தது. ஆண்கள் ஒற்றையர் பிரிவு பைனலில் இந்தியாவின் தருண், ரித்விக் சஞ்ஜீவி சதிஷ் குமார் மோதினர். முதல் செட்டை 21-18 எனக் கைப்பற்றிய ரித்விக், இரண்டாவது செட்டை 21-16 என தன்வசப்படுத்தினார்.

மொத்தம் 43 நிமிடம் நீடித்த போட்டியில் அசத்திய ரித்விக் சஞ்ஜீவி 21-18, 21-16 என்ற நேர் செட் கணக்கில் வெற்றி பெற்று சாம்பியன் பட்டத்தை கைப்பற்றினார்.

பெண்கள் ஒற்றையர் பைனலில் இந்தியாவின் தன்வி சர்மா, சீனாவின் கெய் யான் யான் மோதினர். இதில் ஏமாற்றிய தன்வி 14-21, 16-21 என தோல்வியடைந்து 2வது இடம் பிடித்தார்.