ஒடிசா மாநிலம் கட்டாக்கில், 'சூப்பர் 100' அந்தஸ்து பெற்ற மாஸ்டர்ஸ் பாட்மின்டன் தொடர் நடக்கிறது. பெண்கள் ஒற்றையர் பிரிவு காலிறுதியில் இந்தியாவின் உன்னதி ஹூடா 18, அனுபமா 20, மோதினர். இதில் உன்னதி 21-16, 21-15 என்ற நேர் செட் கணக்கில் வெற்றி பெற்று, அரையிறுதிக்குள் நுழைந்தார்.

மற்றொரு காலிறுதியில் இந்தியாவின் தான்வி சர்மா 16, தன்யா ஹேம்நாத் 22, மோதினர். இதில் ஏமாற்றிய தான்வி 18-21, 17-21 என தோல்வியடைந்து வெளியேறினார். இந்தியாவின் தஸ்னிம் மிர் 21-19, 21-6 என, சீனதைபேயின் சியோ-டோங் டங்கை வீழ்த்தி அரையிறுதிக்கு முன்னேறினார். இந்தியாவின் இஷாராணி 21-16, 21-14 என, சகவீராங்கனை அன்மோல் கார்ப்பை தோற்கடித்து அரையிறுதிக்கு தகுதி பெற்றார்.

ஆண்கள் ஒற்றையர் பிரிவு காலிறுதியில் இந்தியாவின் கிரண் ஜார்ஜ் 21-11, 21-17 என சகவீரர் ரித்விக் சஞ்ஜீவி சதிஷ் குமாரை வென்றார். மற்றொரு காலிறுதியில் இந்தியாவின் தருண் 9-21, 20-22 என, இந்தோனேஷியாவின் முகமது யூசுப்பிடம் தோல்வியடைந்தார். இந்தியாவின் சங்கர் முத்துசாமி 19-21, 20-22 என, சகவீரர் ரவுனக் சவுகானிடம் வீழ்ந்தார்.