டோக்கியோவில், ஜப்பான் ஓபன் 'சூப்பர் 750' பாட்மின்டன் தொடர் நடக்கிறது. பெண்கள் ஒற்றையர் பிரிவு முதல் சுற்றில் இந்தியாவின் சிந்து, தென் கொரியாவின் சிம் யு ஜின் மோதினர். இதில் ஏமாற்றிய சிந்து 15-21, 14-21 என அதிர்ச்சி தோல்வியடைந்து வெளியேறினார். மற்றொரு போட்டியில் இந்தியாவின் உன்னதி ஹூடா 8-21, 12-21 என தாய்லாந்தின் போர்ன்பாவி சோச்சுவாங்கிடம் வீழ்ந்தார்.

மற்றொரு முதல் சுற்றில் இந்தியாவின் அனுபமா 21-15, 18-21, 21-18 என சகவீராங்கனை ரக் ஷிதா ஸ்ரீயை வென்றார்.

ஆண்கள் ஒற்றையர் பிரிவு முதல் சுற்றில் இந்தியாவின் லக்சயா சென், சீனாவின் வாங் ஜெங் ஜிங் மோதினர். இதில் லக்சயா 21-11, 21-18 என்ற நேர் செட் கணக்கில் வெற்றி பெற்றார்.

ஆண்கள் இரட்டையர் பிரிவு முதல் சுற்றில் இந்தியாவின் சாத்விக்சாய்ராஜ், சிராக் ஷெட்டி ஜோடி 21-18, 21-10 என தென் கொரியாவின் காங் மின் ஹயுக், கி டோங் ஜு ஜோடியை வீழ்த்தியது.