உ.பி., மாநிலம் லக்னோவில், 'சூப்பர் 300' அந்தஸ்து பெற்ற சையது மோடி இந்தியா சர்வதேச பாட்மின்டன் தொடர் நடக்கிறது. இதன் பெண்கள் ஒற்றையர் பிரிவு அரையிறுதியில் இந்தியாவின் சிந்து, உன்னாதி ஹூடா மோதினர். அபாரமாக ஆடிய சிந்து 21-12, 21-9 என்ற நேர் செட் கணக்கில் வெற்றி பெற்று பைனலுக்குள் நுழைந்தார்.

பெண்கள் இரட்டையர் பிரிவு அரையிறுதியில் இந்தியாவின் திரிசா, காயத்ரி கோபிசந்த் ஜோடி 18-21, 21-18, 21-10 என்ற கணக்கில் தாய்லாந்தின் பென்யபா, நந்தகர்ன் ஜோடியை வீழ்த்தியது.

கலப்பு இரட்டையர் அரையிறுதியில் இந்தியாவின் துருவ் கபிலா, தனிஷா கிராஸ்டோ ஜோடி 21-16, 21-15 என்ற நேர் செட் கணக்கில் சீனாவின் ஜு ஜி ஹாங், ஜியா யி யங் ஜோடியை வென்றது.

ஆண்கள் ஒற்றையர் அரையிறுதியில் இந்தியாவின் லக்சயா சென், ஜப்பானின் ஷோகோ ஒகாவா மோதினர். இதில் லக்சயா சென் 21-8, 21-14 என்ற நேர் செட் கணக்கில் வெற்றி பெற்று பைனலுக்கு முன்னேறினார்.

பெண்கள் இரட்டையர் அரையிறுதியில் இந்தியாவின் அஷ்வினி பொன்னப்பா, தனிஷா ஜோடி 21-14, 16-21, 13-21 என சீனாவின் லி ஜிங், லி கியான் ஜோடியிடம் தோல்வியடைந்தது.