/
செய்திகள்
/
விளையாட்டு
/
பாட்மின்டன்
/
பைனலில் திரீசா-காயத்ரி ஜோடி: சையது மோடி பாட்மின்டனில்
/
பைனலில் திரீசா-காயத்ரி ஜோடி: சையது மோடி பாட்மின்டனில்
பைனலில் திரீசா-காயத்ரி ஜோடி: சையது மோடி பாட்மின்டனில்
பைனலில் திரீசா-காயத்ரி ஜோடி: சையது மோடி பாட்மின்டனில்
ADDED : நவ 29, 2025 10:30 PM

லக்னோ: சையது மோடி பாட்மின்டன் ஒற்றையர் பிரிவு பைனலுக்கு இந்தியாவின் ஸ்ரீகாந்த் முன்னேறினார்.
லக்னோவில், சையது மோடி 'சூப்பர் 300' சர்வதேச பாட்மின்டன் தொடர் நடக்கிறது. ஆண்கள் ஒற்றையர் பிரிவு அரையிறுதியில் இந்தியாவின் ஸ்ரீகாந்த், மிதுன் மஞ்சுநாத் மோதினர். மொத்தம் 59 நிமிடம் நீடித்த போட்டியில் அசத்திய ஸ்ரீகாந்த் 21-15, 19-21, 21-13 என்ற கணக்கில் வெற்றி பெற்று 3வது முறையாக (2015, 2016, 2025) பைனலுக்கு முன்னேறினார். இதற்கு முன் 2015ல் 2வது இடம் பிடித்த ஸ்ரீகாந்த், 2016ல் சாம்பியன் ஆனார்.
பெண்கள் இரட்டையர் பிரிவு அரையிறுதியில் இந்தியாவின் திரிசா, காயத்ரி கோபிசந்த் ஜோடி 21-11, 21-15 என மலேசியாவின் ஆங் ஜின் யீ, கார்மன் டிங் ஜோடியை வீழ்த்தி, 3வது முறையாக (2022, 2024, 2025) பைனலுக்குள் நுழைந்தது. கடந்த 2022ல் 2வது இடம் பிடித்த இந்திய ஜோடி, கடந்த ஆண்டு சாம்பியன் பட்டத்தை கைப்பற்றியது.
பெண்கள் ஒற்றையர் பிரிவு அரையிறுதியில் இந்தியாவின் உன்னதி ஹூடா 15-21, 10-21 என துருக்கியின் நெஸ்லிஹன் அரினிடம் தோல்வியடைந்தார். மற்றொரு அரையிறுதியில் இந்தியாவின் தான்வி சர்மா 17-21, 16-21 என ஜப்பானின் ஹினா அகேச்சியிடம் வீழ்ந்தார்.
கலப்பு இரட்டையர் பிரிவு அரையிறுதியில் இந்தியாவின் ஹரிஹரன், திரிசா ஜோடி 17-21, 19-21 என இந்தோனேஷியாவின் தேஜன், பெர்னாடின் ஜோடியிடம் தோல்வியடைந்தது.

