அசாமின் கவுகாத்தியில், உலக ஜூனியர் பாட்மின்டன் சாம்பியன்ஷிப் தொடர் நடக்கிறது. பெண்கள் ஒற்றையர் பிரிவு 3வது சுற்றில் இந்தியாவின் உன்னதி ஹூடா, அமெரிக்காவின் ஆலிஸ் வாங் மோதினர். இதில் உன்னதி ஹூடா 15-8, 15-5 என்ற நேர் செட் கணக்கில் வெற்றி பெற்று 'ரவுண்டு-16' போட்டிக்கு முன்னேறினார்.

மற்றொரு 3வது சுற்றுப் போட்டியில் இந்தியாவின் தான்வி சர்மா 15-12, 15-7 என, இந்தோனேஷியாவின் வினார்டோவை வென்றார். மற்றொரு போட்டியில் இந்திய வீராங்கனை ரக் ஷிதா ஸ்ரீ 11-15, 15-5, 15-8 என்ற கணக்கில் சிங்கப்பூரின் ஆலியா ஜகாரியாவை தோற்கடித்தார்.

ஆண்கள் ஒற்றையர் பிரிவு 3வது சுற்றில் இந்தியாவின் ஞான தத்து 11-15, 15-6, 15-11 என, சகவீரர் சூர்யாக் ஷ் ரவாத்தை வீழ்த்தி 'ரவுண்டு-16' போட்டிக்குள் நுழைந்தார். மற்ற இந்திய வீரர்களான ரவுனக் சவுகான், லால்தாசுவாலா, 3வது சுற்றில் தோல்வியடைந்தனர்.

கலப்பு இரட்டையர் பிரிவு 3வது சுற்றில் இந்தியாவின் பவ்யா சாப்ரா, விஷாகா ஜோடி 15-13, 15-11 என டென்மார்க்கின் ரோமர், ஜாஸ்மின் ஜோடியை வீழ்த்தியது.