தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/செய்திகள்/விளையாட்டு/கிரிக்கெட்/தொடரை வென்றது ஆஸ்திரேலியா: மேக்ஸ்வெல் சதம் விளாசல்

தொடரை வென்றது ஆஸ்திரேலியா: மேக்ஸ்வெல் சதம் விளாசல்

தொடரை வென்றது ஆஸ்திரேலியா: மேக்ஸ்வெல் சதம் விளாசல்


ADDED : பிப் 11, 2024 06:50 PM

Follow on GoogleFavourite on Google

ADDED : பிப் 11, 2024 06:50 PM


Follow on Google
Latest Tamil News
அ நிறம் | அளவு

அடிலெய்டு: வெஸ்ட் இண்டீசுக்கு எதிரான 2வது 'டி-20' போட்டியில் மேக்ஸ்வெல் சதம் விளாச ஆஸ்திரேலிய அணி 34 ரன் வித்தியாசத்தில் வெற்றி பெற்றது. தொடரை 2-0 எனக் கைப்பற்றி முன்னிலை பெற்றது.

ஆஸ்திரேலியா சென்றுள்ள வெஸ்ட் இண்டீஸ் அணி மூன்று போட்டிகள் கொண்ட 'டி-20' தொடரில் பங்கேற்கிறது. முதல் போட்டியில் ஆஸ்திரேலியா வென்றது. அடிலெய்டில் இரண்டாவது போட்டி நடந்தது. 'டாஸ்' வென்ற வெஸ்ட் இண்டீஸ் 'பீல்டிங்' தேர்வு செய்தது.

ஆஸ்திரேலிய அணிக்கு ஜோஷ் இங்லிஸ் (4) ஏமாற்றினார். வார்னர் (22), கேப்டன் மிட்சல் மார்ஷ் (29), ஸ்டாய்னிஸ் (16) நிலைக்கவில்லை. சிக்சர், பவுண்டரிகளாக விளாசிய மேக்ஸ்வெல், 50 பந்தில் சதம் கடந்தார். ஆஸ்திரேலிய அணி 20 ஓவரில் 4 விக்கெட்டுக்கு 241 ரன் குவித்தது. மேக்ஸ்வெல் (120 ரன், 55 பந்து, 8 சிக்சர், 12 பவுண்டரி), டிம் டேவிட் (31) அவுட்டாகாமல் இருந்தனர்.

கடின இலக்கை விரட்டிய வெஸ்ட் இண்டீஸ் அணி 20 ஓவரில் 9 விக்கெட்டுக்கு 207 ரன் மட்டும் எடுத்து தோல்வியடைந்தது. கேப்டன் ராவ்மன் பாவெல் (63) கைகொடுத்தார். ஆஸ்திரேலியா சார்பில் ஸ்டாய்னிஸ் 3 விக்கெட் சாய்த்தார்.

ஐந்து சதம்

சர்வதேச 'டி-20' வரலாற்றில் அதிக சதம் விளாசிய வீரர்கள் வரிசையில் முதலிடத்தை இந்தியாவின் ரோகித் சர்மாவுடன் பகிர்ந்து கொண்டார் மேக்ஸ்வெல். இருவரும் தலா 5 சதம் அடித்துள்ளனர். அடுத்த இடத்தில் இந்தியாவின் சூர்யகுமார் யாதவ் (4 சதம்) உள்ளார்.



தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us