வங்கதேசம் சென்ற அயர்லாந்து அணி, இரண்டு போட்டிகள் கொண்ட டெஸ்ட் தொடரில் பங்கேற்றது. முதல் டெஸ்டில் வங்கதேசம் வென்றது. இரண்டாவது டெஸ்ட் மிர்புரில் நடந்தது. முதல் இன்னிங்சில் வங்கதேசம் 476, 265 ரன் எடுத்தன. வங்கதேச அணி 2வது இன்னிங்சில் 297/4 ('டிக்ளேர்') ரன் எடுத்தது.

பின், 509 ரன் எடுத்தால் வெற்றி என்ற கடின இலக்குடன் களமிறங்கிய அயர்லாந்து அணி, 4ம் நாள் முடிவில் 176/6 ரன் எடுத்திருந்தது. ஐந்தாம் நாள் ஆட்டத்தில் அயர்லாந்து அணியின் கர்டிஸ் கேம்பர் அரைசதம் கடந்தார். ஆன்டி மெக்பிர்னி (21) நிலைக்கவில்லை. ஜோர்டான் நீல் (30), கவின் ஹோய் (37) ஆறுதல் தந்தனர்.

அயர்லாந்து அணி 2வது இன்னிங்சில் 291 ரன்னுக்கு 'ஆல்-அவுட்'டாகி தோல்வியடைந்தது. வங்கதேசம் சார்பில் தைஜுல், ஹசன் முராத் தலா 4 விக்கெட் கைப்பற்றினர்.