நேற்று இரண்டாவது நாள் ஆட்டம் நடந்தது. மூன்றாவது விக்கெட்டுக்கு 264 ரன் சேர்த்த போது, ஷாண்டோ (148) அவுட்டானார். அடுத்து முஷ்பிகுர், லிட்டன் தாஸ் இணைந்தனர். இருவரும் சீரான பேட்டிங்கை வெளிப்படுத்த, வங்கதேச அணியின் ஸ்கோர் 400/4 ரன்களை எட்டியது. மழை காரணமாக போட்டி தடை பட்டது.

முஷ்பிகுர் 150 ரன்களை கடந்தார். 5வது விக்கெட்டுக்கு 149 ரன் சேர்த்த போது, அசிதா பந்தில் முஷ்பிகுர் (163 ரன்) அவுட்டானார். தன் பங்கிற்கு அரைசதம் அடித்த லிட்டன் தாஸ், 90 ரன் எடுத்த போது, ரத்னாயகே சுழலில் சிக்கினார். இரண்டாவது நாள் முடிவில் வங்கதேச அணி, முதல் இன்னிங்சில் 484/9 ரன் எடுத்திருந்தது. அசிதா, மிலன், ரத்னாயகே தலா 3 விக்கெட் சாய்த்தனர்.