நேற்று 3வது, கடைசி நாள் ஆட்டம் நடந்தன. திருவள்ளூரில் நடந்த போட்டியில் தமிழக கிரிக்கெட் சங்க லெவன், மும்பை அணிகள் மோதுகின்றன. முதல் இன்னிங்சில் மும்பை 412/5, தமிழகம் 325/5 ரன் எடுத்தன. நேற்று 87 ரன் முன்னிலையுடன் இரண்டாவது இன்னிங்சை துவங்கிய மும்பை அணி, 178 ரன்னில் சுருண்டது. தமிழகத்தின் சித்தார்த் 5, ஷாருக்கான் 3 விக்கெட் சாய்த்தனர்.

அடுத்து 266 ரன் எடுத்தால் வெற்றி என களமிறங்கியது தமிழகம். சச்சின் (115 ரன், 110 பந்து) சதம் அடிக்க, ஆதிஷ் (57 ரன், 39 பந்து) அரைசதம் அடித்தார். ஒருகட்டத்தில் 249/8 என திணறியது. பின் சோனு (31), சித்தார்த் (12) அவுட்டாகாமல் அணியை வெற்றிக்கு கொண்டு சென்றனர். கடைசியில் கவுரவ் பந்தில் சித்தார்த் பவுண்டரி அடிக்க, தமிழக அணி 268/8 ரன் எடுத்து, 2 விக்கெட்டில் 'திரில்' வெற்றி பெற்றது.

மற்றொரு போட்டியில் முதல் இன்னிங்சில் தமிழக கிரிக்கெட் சங்க தலைவர் லெவன் அணி 274, இமாச்சல பிரதேசம் 214 ரன் எடுத்தன. இரண்டாவது இன்னிங்சில் தமிழக அணி 246/5 ரன் எடுத்தது. இமாச்சல பிரதேச அணி 110 ரன்னில் சுருண்டது. தமிழகம் 196 ரன்னில் அபார வெற்றி பெற்றது. வித்யுத் 4, அச்யுத் 3 விக்கெட் சாய்த்தனர்.