ஐ.சி.சி., உலக கோப்பை தொடரில் கபில் தேவ் தலைமையில், 1983ல் முதன் முதலில் இந்தியா கோப்பை வென்றது. அடுத்து தோனி தலைமையில் இந்திய அணி 2007ல் 'டி-20', 2011ல் ஒருநாள் உலக கோப்பை, 2013ல் சாம்பியன்ஸ் டிராபி கைப்பற்றியது. ரோகித் தலைமையில் 2024ல் 'டி-20' உலக கோப்பை, தற்போது சாம்பியன்ஸ் டிராபி வசப்படுத்தியது இந்தியா. இந்த அணிகளில் விளையாடிய வீரர்களை கொண்டு, இந்தியாவின் 'சிறந்த கனவு லெவன்' அணியை, கிரிக்கெட் ஜாம்பவான் கவாஸ்கர் தேர்வு செய்தார். தோனியை கேப்டனாக தேர்வு செய்துள்ளார்.

அணி விபரம் (பேட்டிங் வரிசைப்படி):

ரோகித் சர்மா, சச்சின், கோலி, மொஹிந்தர் அமர்நாத், யுவராஜ் சிங், தோனி (விக்கெட் கீப்பர், கேப்டன்), கபில் தேவ், ஜடேஜா, ஹர்பஜன் சிங், முகமது ஷமி, ஜாகிர் கான்.