சர்வதேச கிரிக்கெட் கவுன்சில் (ஐ.சி.சி.,) சார்பில் ஒவ்வொரு மாதமும் சிறப்பாக செயல்படும் வீரர், வீராங்கனைக்கு விருது வழங்கி கவுரவிக்கப்படும். கடந்த மார்ச் மாதத்தின் விருதுக்கு இந்தியாவின் சஞ்சு சாம்சன், பும்ரா, தென் ஆப்ரிக்காவின் எஸ்தர்ஹியுசன் என 3 வீரர்கள் பரிந்துரைக்கப்பட்டு இருந்தனர்.

இதில் சாம்சன் சிறந்த வீரராக தேர்வானார். இவர், கடந்த மாதம் நடந்த 'டி-20' உலக கோப்பை தொடரில் 5 போட்டியில், 3 அரைசதம் உட்பட 321 ரன் குவித்தார். வெஸ்ட் இண்டீசுக்கு எதிரான 'சூப்பர்-8' போட்டியில் 97 ரன் விளாசிய இவர், அரையிறுதி (எதிர்: இங்கிலாந்து), பைனலில் (எதிர்: நியூசிலாந்து) தலா 89 ரன் அடித்து, இந்தியா கோப்பை வெல்ல உதவினார். தவிர, சிறந்த வீரருக்கான தொடர் நாயகன் விருதை தட்டிச் சென்றார். இதையடுத்து சாம்சனுக்கு விருது கிடைத்துள்ளது.