இலங்கை சென்றுள்ள 19 வயதுக்கு உட்பட்டோருக்கான இந்திய அணி, இரண்டு போட்டிகள் கொண்ட ‛யூத்' டெஸ்டில் பங்கேற்கிறது. முதல் போட்டி காலேயில் நடக்கிறது.

முதல் நாள் முடிவில் இலங்கை அணி முதல் இன்னிங்சில் 344/4 ரன் எடுத்திருந்தது. செனுஜா (203), சமிகா (33) அவுட்டாகாமல் இருந்தனர்.

நேற்று, 2ம் நாள் ஆட்டம் நடந்தது. இலங்கை அணிக்கு செனுஜா (233), சமிகா (45) நம்பிக்கை தந்தனர். இலங்கை அணி முதல் இன்னிங்சில் 9 விக்கெட்டுக்கு 424 ரன் குவித்து ‛டிக்ளேர்' செய்தது. இந்தியா சார்பில் ஜெகநாதன் ஹேம்சுதேஷன் 3, காவ்யா பரேஷ் படேல், பிரியான்ஷு சிங் தலா 2 விக்கெட் கைப்பற்றினர்.

பின் முதல் இன்னிங்சை துவக்கிய இந்திய அணிக்கு லக்சயா ராய்சந்தானி, சாகர் விர்க் ஜோடி நல்ல துவக்கம் கொடுத்தது. இருவரும் அரைசதம் கடந்தனர்.

ஆட்டநேர முடிவில் இந்திய அணி முதல் இன்னிங்சில் 186/0 ரன் எடுத்திருந்தது. லக்சயா (93), சாகர் விர்க் (87) அவுட்டாகாமல் இருந்தனர்.